காதல் முறிவு

நிலவின் ஒளியை என் உள்ளத்தில் அடைத்தேன்....

கனவின் வழியே காதலும் வளர்த்தேன்....

உளி கொண்டு சிலை வடிப்பர்

விழி கொண்டு சிலை வடித்தேன்.

உள்ளம் உருகும் நேரத்திலே

கூடலும் கொண்டேன் மோகத்திலே...

பூவின் வாசம் அறிந்தவள் - இப்

புவிதன் பாசம் அறியலயே !

விளக்கின் ஒளி விட்டில் பூச்சி தாங்குமா...

விடியல் வேண்டி வின்ணிருட்டு வேண்டுமா...

பஞ்சமில்லா அழகினாள் என்

நெஞ்சத்தில் அமர்ந்தவள்

கஞ்சமில்லா காயத்தை தந்து சென்றாள்.........

வெட்டுப் பட்ட நின் மனம்

பட்டுப் போன மரமானது !

விழி அசைவால் மலர்ந்த காதல்

விழி அசைவிலையே மறைந்தது.

குளிர் மழையாய் குதூகளித்தவள்

குறுஞ்செய்தி ஒன்றை தந்துவிட்டாள்

பரிவு ஒன்றையே தந்தவள்

பிரிவு ஒன்றை கூறிவிட்டாள் !!

நித்தம் முத்தம் தந்தவள்

சத்தமில்லாமல் சென்றுவிட்டாள்

அன்று அம்பால் அடிபட்டவன் !

இன்று அன்பால் அடிபட்டேன் !!

                                            அன்புடன்

                                              ஆனந்த்.